Almaty oblysynda qar kóshkini astyna qalyp qoıǵan azamattardyń biriniń denesi tabyldy
ASTANA. 9 sáýir. QazAqparat - 7 sáýir kúni Almaty oblysynda oryn alǵan qar kóshkini astynda qalyp qoıǵan «Aq bulaq» SSK shańǵy patrýliniń 43 jastaǵy bastyǵynyń denesi tabyldy,
dep habarlady QR TJM baspasóz qyzmetinen.
Al «Rodon» JShS dırektorynyń 30 jastaǵy orynbasarynyń denesin izdestirý jalǵasýda.
Budan buryn habarlaǵanymyzdaı, qar kóshkini 7 sáýir kúni túski saǵat eki jarymda tústi. Onyń kólemi 1 mln. tekshe metr boldy.
Sonyń saldarynan qar astynda «Aq bulaq» SSK shańǵy patrýliniń 43 jastaǵy bastyǵy men «Rodon» JShS dırektorynyń 30 jastaǵy orynbasary qalyp qoıdy. TJM-nyń málimetinshe, olar tyıym salynǵan jerde shańǵy teýip, qar kóshkininiń júrýine sebepshi bolǵan.
Adamdardy izdestirýmen QR TJM «Respýblıkalyq shuǵyl-qutqarý jasaǵy» MM-nyń 27 adamy men 3 tehnıkasy, Talǵar aýdanynyń Tótenshe jaǵdaılar bóliminiń 4 adamy men 1 tehnıkasy jáne Sporttyq-saýyqtyrý kesheniniń 10 adamy aınalysýda.
