Almaty oblysynda qańtardaǵy dúrbeleńde saýda úıin tonaǵandar ustaldy

TALDYQORǴAN. QazAqparat - Almaty oblysynda qańtardaǵy dúrbeleńde Aport saýda ortalyǵynda uıaly telefondardy qoldy qylǵan jergilikti turǵyn ustaldy. Buryn sottalǵan azamattan baǵasy qymbat 12 smartfon men 4 planshet aıǵaq zat retinde tárkilendi, - dep habarlaıdy QazAqparat tilshisi.

Jalpy Qarasaı aýdany boıynsha qazirgi tańda tonaý deregi boıynsha 20 kúdikti anyqtalyp, olardan 200-den astam turmystyq jáne kompıýterlik tehnıka tabyldy. Qańtar oqıǵasyna qatysy bar azamattardy anyqtaý maqsatynda aýdanda keshendi sharalar jalǵasyp jatyr. Beınebaqylaý kameralaryndaǵy jazbalar qaralyp, kýágerlerden túsinikteme jınastyrylýda.

«Kúdiktiler qoldy qylǵan zattar ıelerine qaıtaryldy. Aýdan aýmaǵynda tonaý derekterin anyqtaý boıynsha keshendi sharalar áli júrip jatyr. Barlyq is-qımyl aýdandyq jáne oblystyq polıtsııa departamenti basshylarynyń tikeleı qadaǵalaýynda», - dedi Qarasaı aýdandyq polıtsııa bólimi basshysynyń orynbasary Serik Turpanbaev.