Almaty oblysynda qan shyǵarý emin zańsyz jasaǵandar jaýapqa tartyldy
TALDYQORǴAN. QazAqparat - Almaty oblysynda zańsyz medıtsınalyq qyzmet kórsetkeni úshin destrýktıvti dinı aǵym ókilderi jaýapqa tartyldy. Olar Aqsý jáne Panfılov aýdandary men Taldyqorǵanda «hıdjama» ıaǵnı, qan shyǵarý emin zańsyz jasap kelgen, dep habarlaıdy QazAqparat tilshisi.
Bul faktilerdiń bári ártúrli ýaqytta tirkelgen. Biraq turǵyndar qan shyǵarǵannan keıin ózderin nashar sezinip, tártip saqshylaryna shaǵymdanǵan. Tekserý barysynda dástúrli emes dinı aǵymdaǵy úsh azamattyń zańsyz medıtsınalyq qyzmet kórsetkeni anyqtaldy. Olardyń mundaı emdik protsedýramen aınalysýyna eshqandaı ruqsat qaǵazy bolmaǵan.
«Jınalǵan materıaldar Almaty oblystyq qoǵamdyq densaýlyq saqtaý departamentine joldandy. Úsh azamat QR ÁPK 424 baby boıynsha jaýapqa tartylyp, árqaısysyna 5 AEK kóleminde aıyppul salyndy», - dep málim etti Almaty oblystyq ІІD Baspasóz qyzmeti.
