Almaty oblysynda kámeletke tolmaǵandardy saýdalaǵan áıel sottaldy

TALDYQORǴAN. QazAqparat - Almaty oblysynda kámeletke tolmaǵandar saýdasymen aınalysqan áıel sottaldy. Mundaı faktini Almaty oblysy prokýratýrasynyń qyzmetkerleri anyqtaǵan, dep habarlaıdy QazAqparat tilshisi.

Kámeletke tolmaǵandar isi boıynsha Almaty oblysynyń №2 aýdanaralyq mamandandyrylǵan sotynyń úkimimen K.B. esimdi azamat QR QK 135 baby, 2 bóligi, 2,12 tarmaǵy kámeletke tolmaǵandardy saýdaǵa salǵany úshin 5 jylǵa bas bostandyǵynan aıryldy. Alaıda jaza óteý merzimi sottalýshynyń óz balalary 14 jasqa tolǵanǵa deıin shegerildi. Sot úkimi zańdy kúshine endi. Bul úkimdi shyǵarýǵa Talǵar aýdandyq prokýratýrasynyń kámeletke tolmaǵandarǵa zańsyz qamqorshylyq rásimdeý deregin anyqtaý sebep bolǵan. Qazirgi tańda azamatsha óz kinásin moıyndap, protsessýaldyq kelisim jasady. Bul baǵytta jumystar jalǵasyp jatyr.