Almaty oblysynda KamAZ júrgizýshisi ıtti kóligine baılap alyp súıregen

QONAEV. QazAqparat – Talǵar aýdany Erkin aýylynda KamAZ júrgizýshisi ıtti júk kóligine baılap, kóshe ortasynda súıredi. Polıtsııa KamAZ júrgizýshisiniń jeke basyn anyqtady, dep habarlaıdy QazAqparat tilshisi.

KamAZ artynda jipke baılanyp, súıretilip bara jatqan ıttiń vıdeosy jelige shyqty.

Almaty oblysynyń polıtsııa departamenti bastyǵynyń orynbasary Rýstam Abdrahmanov quqyqbuzýshylyq Talǵar aýdanynyń polıtsııa basqarmasynda tirkelgenin málimdedi.

«Tekserý jumystary atalǵan bólimsheniń qyzmetkerlerine tapsyryldy. Quqyq buzýshyny mindetti túrde anyqtap, shara qoldanamyz», - dedi Rýstam Ábdirahmanov.

Keıinirek ol kólik júrgizýshiniń kim ekeni anyqtalǵanyn málim etti. Ol 42 jastaǵy S. esimdi azamat bolyp shyqty. Aldaǵy ýaqytta tekserý jumystarynyń nátıjesi týraly qosymsha habarlanady.