Almaty oblysynda qaqaǵan sýyqta jaraly aqqý qutqaryldy
TALDYQORǴAN. QazAqparat - Almaty oblysynyń Shılisý aýyly mańynda tobynan qalyp qoıǵan aqqý qutqaryldy. Turǵyndardyń kómegimen tabıǵatty qorǵaýshylar aqqýdy ustap, ýaqytsha Almatydaǵy haıýanattar baǵyna tapsyrdy, dep habarlaıdy QazAqparat tilshisi.
Jergilikti turǵyndardyń aıtýynsha Kerbulaq aýdanyna qarasty Shılisý aýyly mańyndaǵy sýǵa úsh aqqý ushyp kelgen. Aýyldaǵy aǵaıyn sulý qustarǵa nan shashyp, qyzyqtap qarap júretin. 1,5 aı buryn eki aqqý ushyp ketip, bireýi qalyp qoıǵan. Sońǵy kúnderi kún qatty sýytyp, muz qata bastady. Lázzat esimdi turǵyn kıeli qusqa jany ashyp, jan-jaqqa habarlasty. Aqparatty estigen tabıǵatty qorǵaýshylar aýylǵa kelip aqqýdy ustaýǵa kiristi. QR AShM Orman sharýashylyǵy jáne janýarlar dúnıesi komıteti «Ohotzooprom» ÓB" RMQK ınspektorlary jergilikti turǵyndar kómegimen jaraly qusty ustap, Almaty qalasyndaǵy haıýanattar baǵyna jetkizdi. Ol jerde mamandar aqqýdyń jaraqatyn anyqtap, em-dom kórsetip, qaramaǵyna alatyn boldy.
Aıta ketý kerek, kúnniń kúrt sýytýyna baılanysty mundaı jaǵdaılar jıilep ketti.
«Jýyrda dál osyndaı jaǵdaı Soltústik Qazaqstanda qaıtalanǵan bolatyn. Ol jerde mamandar 16 aqqýdy qutqardy. Eń bastysy qorshaǵan ortaǵa, janýarlar dúnıesine beıjaı qaramaıtyn qarapaıym adamdar kóbeıd»,- deıdi mamandar.
