Almaty oblysynda kafe kúzetshilerin urǵan polıtsııa qyzmetkerleri jumystan qýyldy
TALDYQORǴAN.QazAqparat – Almaty oblysynda kafe kúzetshilerin urǵan polıtsııa qyzmetkerleri jumystan qýyldy, dep habarlaıdy QazAqparat tilshisi.
Almaty oblystyq Polıtsııa departamentiniń baspasóz qyzmeti aqparatty rastady. Vedomstvonyń málimetine sáıkes, kafede buzaqylyq jasaǵan 4 polıtseı Qapshaǵaı qalasyndaǵy organda jumys istegen.
Esterińizge sala keteıik, búǵan deıin áleýmettik jelilerde Qapshaǵaı qalasynyń polıtseıleri ishimdik iship alyp, kafeniń kúzetshilerin urdy delingen jazba taraǵan bolatyn. Janjaldyń týyndaýyna kúzetshiniń áreketi sebep bolǵan. ıAǵnı, ol demalýshylarǵa demalys ornynyń jabylatynyn aıtyp, birneshe ret eskertý jasaǵan. Bul jaıt tártip saqshylaryna unamaǵanǵa uqsaıdy. Sol sebepti kúzetshilerdi urǵan bolýy múmkin.
Bul jaıt Qapshaǵaı qalasyndaǵy «Delmare» kafesinde bolǵan. QazAqparat tilshisi atalǵan orynnyń ákimshisimen telefon arqyly sóılesti. Olar eki kúzetshiniń zardap shekkenin jáne olardyń aýrýhanada jatqanyn jetkizdi.
«Atalǵan faktige sáıkes QR QK 293 baby «Bqzaqylyq» boıynsha sotqa deıingi tergeý júrip jatyr», - dedi Almaty oblystyq Polıtsııa departamentiniń baspasóz qyzmetinen.
