Almaty oblysynda jyr alyby Jambylǵa eskertkish ornatyldy
Eskertkishtiń ashylý saltanatyna oblys ákimi Amandyq́ Batalov, aýdan jurtshylyǵy men ardagerler q́atysty.
«Rýhani jańǵyrý» baǵdarlamasy aasynda jastarǵa úlgi bolarlyq́ úlken jumystar atq́arylýda. Búgin uly babamyz, maq́tanyshymyz - Jambyl aq́ynnyń eńseli eskertkishi mesenattardyń q́oldaýymen, Áskerbek Abaev aǵamyz bastaǵan azamattardyń uıytq́y bolýymen ashyldy. Osyndaı eskertkishti eń aldymen Astana q́alasynda, keıin Kievte, Belgradta ornattyq́. Búgin, mine, demeýshilerdiń kómegimen igi is Jambyl aýdanynda jalǵasyp otyr. Elbasynyń «Rýhani jańǵyrý» baǵdarlamasy osyndaı igi isterge úlken serpin berdi. Q́arasaı, Alakól aýdandarynda, Taldyq́orǵanda osy baǵytta iri-iri jobalar q́olǵa alynyp jatyr. Onyń ishinde dene shynyq́tyrý - saýyq́tyrý keshenderi, olimpiadalyq́ standartpen salynatyn basseın, jeńil atletika maneji siaq́ty sport nysandary bar. Mundaı bastamalar barlyq́ aýdanda atq́aryla bastady. Jýyrda oblysq́a kelgen saparynda Elbasymyz óńirdegi atq́arylyp jatq́an isterge oń baǵa berdi. Osy berilgen baǵada Jambyl aýdany halq́ynyń úlesi zor dep bilemin», - dedi óńir ákimi.
Sonymen q́atar oblys basshysy óz sózinde aýyldyń joldaryn jóndeýge, abattandyrýǵa q́oldaý kórsetilip otyrǵanyn da tilge tiek etti. Munan soń «Týǵan jerge taǵzym» q́orynyń tóraǵasy Áskerbek Abaev sóz aldy.
«Aýdannyń Q́astek aýdany bolyp q́urylǵanyna 90 jyl, Jambyl ataýy berilgenine 80 jyl tolyp otyr. Osy mereıli dataǵa oraı aýdan ortalyǵyna Jambyl baba eskertkishin ornatý týraly kópshilik bastama kóterdi, aýdandyq́ máslihat depýtattary usynys aıtyp, bul usynys oblys basshysy tarapynan q́oldaý tapty. Sóıtip «Týǵan jerge taǵzym» q́ory q́uryldy. Q́orǵa q́arjy jinaq́tap, osy eskertkishtiń ashylýyna uıytq́y bolǵan azamattarǵa, q́oldaý bildirgen oblys basshylyǵyna alǵys aıtamyn»,- dedi Á.Abaev.
Osy mazmundas izgi tilegin tuńǵysh Olimpiada chempiony, kásipker Jaq́sylyq́ Úshkempirov te arnady. Q́uttyq́taý tilekterden soń eskertkishtiń jabýy ashylyp, shashý shashyldy. Saltanat aýdan ónerpazdarynyń konsertine ulasty.
Aq́ynnyń q́olyna dombyra ustaǵan eskertkishiniń avtory - Q́azbek Jarylǵapov. Q́ola músin «Týǵan jerge taǵzym» q́oǵamdyq́ q́oryna jinaq́talǵan q́arjyǵa turǵyzyldy. «Aq́yndar men batyrlar eli» parkimen birge tutas keshendi q́urap turǵan eskertkish Uzynaǵashtyń kire berisinde ornatylǵan. Bul parktiń q́urylysyn «Arnaıy q́urylys kompaniasy» JShS júrgizip, bul jumystarǵa q́ordyń 60,4 mln teńgege jýyq́ q́arjysy jumsalǵan.
