Almaty oblysynda «Jeppesen Air Party 2010» avıashoýy ótedi

dep habarlaıdy QazAqparat.

Ony Aeropakt áýe kompanııasy, Jeppesen Party demalys bazasy jáne Chesnok.kz Event-agenttigi birigip uıymdastyryp otyr. Sharanyń basty maqsaty -Qazaqstanda avıatsııany sporttyń bir túri retinde nasıhattaý, ushqyshtardyń kásibı deńgeıin kóterý jáne jeńil avıatsııanyń, ushý apparattarynyń tehnıkalyq múmkindikterin tanystyrý.

Qazaqstannyń óte jeńil avıatsııa qaýymdastyǵynyń prezıdenti Ómirbek Keńesbaevtyń aıtýynsha, bul sharaǵa shaqyrylǵan meımandardyń sany 2 myń adamdy qurap otyr. Olardyń arasynda kásibı jáne áýesqoı ushqyshtar men djıperler, strıt-reıserler, baıkerler jáne taǵy basqa 17 beıresmı klýbtardyń ókilderi bar. Baǵdarlamada kásibı ushqyshtardyń sheberlikterin kórsetip, jurtshylyq nazaryna óte jeńil ushaqtardan tikushaqtarǵa deıingi 20-dan astam áýe kólikteri usynylmaq. Sondaı-aq djıperlerdiń respýblıkalyq jarysy, "Aeroplan" tobynyń kontserti jáne taǵy basqa túrli kóńil kóterý sharalary josparlanyp otyr.