Almaty oblysynda izdeýde júrgen sheteldikter ustaldy
TALDYQORǴAN. QazAqparat - Almaty oblysynyń polıtseıleri sońǵy táýlik ishinde qylmys jasady degen kúdikpen memleketaralyq izdeýge jarııalanǵan Ózbekstannyń eki azamatyn ustady, dep habarlaıdy QazAqparat tilshisi.
Tártip saqshylary taratqan aqparatqa sáıkes, ekeýi de Ózbekstan tarapy joldaǵan baǵdarǵa sáıkes anyqtalyp, Іle jáne Talǵar aýdandarynda qamaýǵa alynǵan.
«Talǵarda Horezm oblysynyń quqyq qorǵaýshylary izdeý jarııalaǵan Ózbekstannyń 44 jastaǵy azamaty ustaldy. Sondaı-aq, Іle aýdanynyń aýmaǵynda Hıva aýdandyq sotynyń sheshimimen ózbek áriptesterimiz izdestirip júrgen 24 jastaǵy jigit qolǵa tústi. Ustalǵan tulǵalar qamaýǵa alynyp, qylmys jasaǵan jerlerine ekstradıtsııany kútýde»,- dep habarlady Almaty oblysy ІІD baspasóz qyzmetinen.
Sonymen qatar, polıtseıler Alakól aýdanynda Qyrǵyzstan Respýblıkasy urlyq jasaǵany úshin izdeýge jarııalaǵan 34 jastaǵy otandasymyzdyń ustalǵanyn atap ótti.
