Almaty oblysynda izdeýde júrgen 20-dan asa qylmysker ustaldy
TALDYQORǴAN.QazAqparat - Almaty oblysynda úsh kúnniń ishinde 20 dan asa qylmysker ustaldy. Olar polıtseılerdiń arnaıy uıymdastyrǵan aldyn-alý sharasy barysynda qolǵa tústi, dep habarlaıdy QazAqparat tilshisi.
«Polıtseıler arasynda belsendilikti Kerbulaq, Talǵar aýdandarynyń jáne Taldyqorǵannyń tártip saqshylary tanytty. Olar izdeýde júrgen 9 qylmyskerdiń meken-jaıyn anyqtap, ustady. Sondaı-aq Kóksý aýdanynyń polıtseıleri 9 jyldan beri sottan qashyp júrgen er azamatty anyqtady», - dep málim etti Almaty oblystyq ІІD-ń baspasóz qyzmeti.
Sondaı-aq, sáýir aıynda Almatyda asa iri kólemde urlyq jasap, izdeý jarııalanǵan jas áıeldi Almaty oblysynyń polıtseıleri ustap, Almatydaǵy áriptesterine tapsyrypty.
«Sonymen qatar, halyqaralyq izdeýde júrgen úsh shet el azamaty ustaldy. Olar jaıly aqparat Ózbekstan jáne Reseıden tústi. Ustalǵandar elderine ekstradıtsııalanatyn bolady»,- dep tolyqtyrdy vedomstvo ókilderi.
