Almaty oblysynda izdeýde júrgen 11 qylmysker ustaldy
TALDYQORǴAN. QazAqparat - Almaty oblysynda sońǵy táýlikter ishinde izdeýde júrgen 11 qylmysker ustaldy, dep habarlaıdy QazAqparat tilshisi.
Sońǵy táýlikte óńirdiń tártip saqshylary tonaý, alaıaqtyq, urlyq, avtokólik urlaý faktileri boıynsha jáne basqa da qylmys jasaǵan 11 azamatty qolǵa túsirdi. Sondaı-aq, iz-túzsiz joǵaldy degen 3 adam tabyldy.
Almaty oblystyq ІІD baspasóz qyzmetiniń habarlaýynsha, izdeýde júrgenderdi taýyp, qamaýǵa alý jumystary «Іzdeý» aldyn-alý sharalary aıasynda júzege asqan.
Máselen Eskeldi aýdanynda aýyldasyna sýyq qarýmen aýyr dene jaraqatyn jasap, densaýlyǵyna nuqsan keltirgen 17 jasar bozbala ustaldy. Al Eńbekshiqazaq aýdanynda iri kólemde alaıaqtyq jasaǵany úshin aıyptalǵan azamatsha qolǵa tústi. Tekeli qalasynda avtokólikterdi tonaýmen aınalysqan qylmysker quryqtaldy. Aldyn-alý shara barysynda osydan birneshe jyl buryn jasalǵan 9 qylmys ashyldy.
28 qyrkúıekte oblys polıtseıleri aldyn-alý sharasynyń tolyq nátıjesin shyǵaryp, jarııa etpek.
