Almaty oblysynda iz-túzsiz joǵalǵan stýdent qyz tabyldy
TALDYQORǴAN. QazAqparat - Almaty oblystyq ІІD baspasóz qyzmeti 21 mamyrda joǵalǵan qyzdyń tabylǵandyǵy jóninde málim etti. Bir apta boıy habarsyz ketken stýdent Panfılov aýdanynyń turǵyny, dep habarlaıdy QazAqparat tilshisi.
«Kámelettik jasqa tolmaǵan stýdent qyz Panfılov aýdanyndaǵy kolledjderdiń birinde oqıdy. Polıtseılerge onyń joǵalǵandyǵy jóninde anasy habarlady. Qyzdyń buǵan deıin úıinen birneshe ret qashyp ketkeni anyqtaldy. Qyz balany izdeý jumystary aýqymdy túrde júrgizildi. Nátıjesinde, ol Almaty qalasynan, ıaǵnı úıinen 300 shaqyrym alys jerden tabyldy», - dep málim etti oblystyq ІІD baspasóz qyzmeti.
Sondaı-aq vedomstva ókilderi, qazirgi tańda joǵalǵan qyz ata-anasynyń qolyna tabystalyp, óziniń úıine barǵanyn málim etti.
Al úıinen qashýdy ádetke aınaldyrǵan stýdenttiń ózimen jáne anasymen ıývenaldy polıtsııa ókilderi profelaktıkalyq jumys júrgizgen. Sondaı-aq bul materıal aýdandyq ákimdiktiń áleýmettik sala jónindegi komıssııaǵa tabystalady.
