Almaty oblysynda iz-túzsiz joǵalǵan oqýshylar tabylmaı jatyr
TALDYQORǴAN.QazAqparat - Almaty oblysynda joǵalǵan eki oqýshyny izdestirý jumystary jalǵasýda, dep habarlaıdy QazAqparat tilshisi.
8 qańtar kúni úıinen shyǵyp, sol kúıi oralmaǵandardyń biri Talǵar aýdanyndaǵy Aqtas aýylynyń turǵyny. 16 jastaǵy Aleksandra Plıgınadan áli kúnge deıin habar joq. Jasóspirimniń boıy shamamen 160-165 sm. Kóziniń sol jaq tusynda kishkentaı tyrtyq bar.
Al ekinshi oqýshy Taldyqorǵan qalasynda joǵaldy. Nurbek Seıithan esimdi bala 2017 jyldyń 16 jeltoqsanynda úıinen shyǵyp ketip, oralmaǵan. 17 jastaǵy Nurbektiń ústinde qoıý kók tústi kýrtka, qara tústi shalbar jáne qara tústi malaqaı bolǵan. Eger de sýrettegi balalardy kimde -kim kórgen bolsa, jedel túrde 102 nomerine habarlasýǵa bolady. Sondaı-aq, polıtseıler 8-7282-60-80-67 (68) jáne 8-72774-2-10-61 nomerine qońyraý shalýdy suraıdy
