Almaty oblysynda iz-túzsiz joǵalǵan mýzykant óli kúıinde tabyldy
TALDYQORǴAN. QazAqparat - Almaty oblysynda joǵalyp ketken Nazar Mırzaev óli tabyldy. Atalǵan faktini oblystyq ІІD baspasóz qyzmeti rastady, dep habarlaıdy QazAqparat tilshisi.
«Aqparatty rastaımyz. 30 jastaǵy jigittiń denesi búgin Іle aýdanynan tabyldy. Qazir atalǵan fakti boıynsha sot-medıtsınalyq saraptama taǵaıyndalyp, tergeý júrip jatyr. Marqumnyń məıitinen kózge kórinetindeı dene jaraqaty baıqalmady», - dep málim etti atalǵan vedomstvadan.
Aıta ketý kerek, Nazar Mırzaevtyń joǵalǵandyǵy jóninde aqparat aldymen əleýmettik jelige taraldy. Black&White grýppasynyń dybys rejısseri Nazarǵa 24 mamyrdan bastap izdeý salynǵan bolatyn. Ol úıinen shyǵyp ketip, sol kúıi oralmaǵan.
Marqumnyń múrdesi 2-shi maýsym kúni ıaǵnı, 9 kúnnen keıin óziniń úıiniń mańynan tabylyp otyr.
