Almaty oblysynda iz-túzsiz ketken 16 jasar qyz izdestirilip jatyr
TALDYQORǴAN. QazAqparat - Eńbekshiqazaq aýdanynyń polıtsııasyna 2003 jyly týǵan Gúljan Myrzatqyzynyń iz-túzsiz joǵalǵany týraly aryz 21 jeltoqsanda qyzdyń ata-anasynan kelip túsken, dep habarlaıdy QazAqparat tilshisi.
«Kámeletke tolmaǵan jasóspirim qyz Áımen aýylynda turady jáne Esik ekonomıkalyq-pedagogıkalyq kolledjinde oqıdy. Ony izdestirý jumystaryna Eńbekshiqazaq aýdandyq polıtsııa qyzmetkerleri men oblystyń jedel ýákilderi tartyldy» - dep habarlady Almaty oblysy polıtsııa departamentiniń baspasóz qyzmeti.
Joǵalǵan qyzdyń boıy - shamamen 165 sm, dene bitimi aryqsha kelgen, ústinde sary tústi toqylǵan shapka men qara kúrte bolǵan. Basqa arnaıy belgileri joq.
Gúljan Myrzatqyzynyń qaıda ekendigi týraly kez kelgen aqparat biletin bolsańyzdar, polıtsııaǵa habarlasýdy suraımyz: 8 778 3331011, 87027152120, 8 7282 608008 nemese 102.
