Almaty oblysynda iz-túzsiz ketken 14 jasar qyz úsh aptadan keıin tabyldy
TALDYQORǴAN. QazAqparat - Almaty oblysynyń polıtseıleri joǵalǵan qyzdy izdep tapty, dep habarlaıdy QazAqparat tilshisi.
Almaty oblystyq polıtsııa departamenti baspasóz qyzmetiniń málimetinshe, 9 tamyzda Іle aýdandyq polıtsııasynyń kezekshi bólimine Mejdýrechınsk kentiniń 56 jastaǵy turǵyny 9-synypta oqıtyn 14 jasar nemeresiniń belgisiz baǵytta ketip, qaıta oralmaǵanyn aıtyp aryzdanǵan. Osy ótinish resmı tirkelgennen keıin polıtseıler jedel túrde jasóspirimdi izdeýge kiristi.
Іz kesýshiler qyzdyń ákesimen jáne ájesimen birge turatynyn, al qyzdyń anasy basqa qalada bólek turatynyn anyqtady. Jasóspirim úıden keter aldynda ákesi men qyzdyń arasynda kelispeýshilik bolǵan.
Qyzdy izdeý jumystaryna krımınaldyq jáne ıývenaldyq polıtsııa qyzmetkerleri, ýchaskelik polıtsııa ınspektorlary men eriktiler jumyldyryldy. Qabyldanǵan sharalardyń nátıjesinde izdeýdegi jasóspirim aman-esen 30 tamyz kúni Qarasaı aýdanyndaǵy «Altyn Orda» bazarynyń aýmaǵynan tabyldy. Qyz kafelerdiń birinde daıashy bolyp jumys istegen jáne sonda turyp kelgen.
Aman tabylǵan qyzdy tártip saqshylary úıine qaıtaryp, ájesine tabystady. Qarııa polıtseılerdiń tabandy izdenisi jáne kásibı sheberligi úshin alǵysyn aıtty. Otbasynan qashyp ketken kámeletke tolmaǵan bala arnaıy esepke alyndy.
Qyzdyń ákesine QR Ákimshilik quqyq buzý kodeksiniń 127-baby 3-bóligi men 442-baby 2-bóligine sáıkes ákimshilik hattama toltyryldy.
