Almaty oblysynda iz-tússiz joǵalǵan bala tabyldy
TALDYQORǴAN.QazAqparat - Almaty oblysynda iz-tússiz joǵalǵan bala tabyldy. 7 jastaǵy Ábilqaıyr 4 kún boıy habar-osharsyz ketken, dep habarlaıdy QazAqparat tilshisi.
Onyń joǵalǵandyǵy jóninde Alakól aýdandyq ІІB Qabanbaı aýylyndaǵy bólimshesine Áshim aýylynyń turǵyny habar bergen.
Jasóspirimdi izdestirýge tikushaq jumyldyryldy. Súńgýirler de tynym tappaǵan. Alakóldiń polıtseılerin aıaǵynan tik turǵyzǵan balaqaı jaqyn mańdaǵy qystaqtan tabyldy. Abyroı bolǵanda din-aman. Áshim aýylynan 3-4 shaqyrymdaı jerde ornalasqan aımaqqa balanyń qalaı jetkeni belgisiz. Qazir ol úıine qaıtaryldy.
Aıta ketý kerek, 4 kún boıy joǵalǵan balany izdestirýge aýyl turǵyndary, mektepte isteıtin jumysshylar, áskerı qyzmetkerler men eriktiler bir kisideı at salysty.
