Almaty oblysynda ıtti kólikke baılap súıregen júrgizýshi anyqtaldy

QONAEV. QazAqparat – Almaty oblysynyń polıtseıleri ıtti kólikke baılap, jol ústimen súıregen júrgizýshini anyqtady, dep habarlaıdy QazAqparat tilshisi.

Áleýmettik jelide kóliktiń artynan júgirip bara jatqan baılaýly ıttiń vıdeosy tarady.

Avtordyń jazýynsha, júrgizýshi saǵatyna shamamen 60 shaqyrym jyldamdyqpen kele jatqan.

Almaty oblysynyń Polıtsııa departamenti Talǵar aýdanynyń polıtsııa bólimi Qylmystyq kodekstiń 316-babymen («Janýarlarǵa qatygezdik kórsetý») isti tergeýdi bastady.

«Sotqa deıingi tergeý joǵaryda atalǵan bólimshe qyzmetkerlerine júkteldi. Quqyq buzýshy – azamat J., 1987 jyly týǵan. Qazirgi ýaqytta aıyptalýshy qatystyryla otyryp, tergeý sharalary júrgizilip jatyr», - dedi Almaty oblysy Polıtsııa departamentiniń basshysy Baýyrjan Álenov.