Almaty oblysynda ishimdik jasaıtyn jasyryn tseh anyqtaldy

TALDYQORǴAN. QazAqparat - Almaty oblysynda alkogoldik ónimder óndiretin jasyryn tseh anyqtaldy. Sapasy kúmándi spırttik ishimdikter Qarasaı aýdanyna qarasty Kóksaı aýylynda shyǵarylyp kelgen, dep habarlaıdy QazAqparat tilshisi.

Almaty oblysy boıynsha Ekonomıkalyq tergeý departamentiniń mamandary jedel-izdestirý barysynda jalǵan aktsızdik markalary jabystyrylǵan naryqta óte ótimdi degen saýda belgileri bar 10 shaqty araq túrin óndiretin tsehtyń jumysyn áshkereledi. Nátıjesinde alkogoldik ishimdik quıylǵan 467 bótelke, 500 aktsızdik marka jáne 2 tonna spırt tárkilendi.

Atalǵan vedomstvonyń baspasóz qyzmetiniń málimetinshe, osy fakti boıynsha QR QK 233-babynyń 2-bóligine sáıkes qylmystyq is qozǵalyp, sot aldy tergeý jumystary bastaldy.