Almaty oblysynda ishimdik shyǵaratyn zaýyttan sertıfıkattalmaǵan ónim tabyldy

ALMATY OBLYSY. QazAqparat - Almaty oblysynda alkogoldi ónim daıyndaıtyn zaýyttyń kóleńkeli qyzmetiniń joly kesildi. Bul týraly QazAqparat QR Qarjylyq monıtorıng agenttigine silteme jasap habarlaıdy.

QR Qarjylyq monıtorıng agenttigi memlekettik kirister organdarymen birlesip, Almaty oblysynyń aýmaǵynda ónerkásiptik aýqymda alkogoldi ónimder shyǵaratyn zaýyt qyzmetiniń jolyn kesti.

Tintý barysynda jalǵan esepke alý-baqylaý markalary bar 20 ataýly 170 myńnan astam bótelke ishimdik anyqtaldy.

Sonymen qatar, kórsetilgen ónimder sertıfıkattalmaǵan jáne adam densaýlyǵyna orny tolmas zııan keltirýi múmkin edi.

Atalǵan fakt boıynsha tergeý amaldary júrgizilýde, QR QPK-niń 201-babyna sáıkes basqa málimet jarııa etýge jatpaıdy.

Dúnıejúzilik densaýlyq saqtaý uıymynyń málimetteri boıynsha álemde sýrrogat ónimderiniń kesirinen jyl saıyn 3 mıllıonnan astam adam qaza bolady. Alkogol zaýytynyń zańsyz qyzmetiniń jolyn kesýdiń arqasynda myńdaǵan qazaqstandyqtardyń ómirin saqtaý múmkin boldy.