Almaty oblysynda ishimdik iship alǵan týysqandar jappaı tóbelesti
TALDYQORǴAN. QazAqparat - Almaty oblysynda otbasysylyq sharaǵa jınalǵan týysqandardyń tóbelesine qatysty polıtsııa túsinikteme berdi, dep habarlaıdy QazAqparat tilshisi.
Almaty oblysynyń Polıtsııa departamenti 13 qyrkúıekte áleýmettik jelide taraǵan tóbelesine qatysqan bir top adamnyń anyqtalǵanyn habarlady.
«12 qyrkúıek kúni saǵat 13:00 shamasynda Іle aýdanynda Mejdýrechensk kentiniń «Sokol« saıajaıynda 34 jastaǵy turǵyn úıinde marqumdy eske alý sharasyn uıymdastyrǵany anyqtaldy. Kóptegen adamdar jınalǵan is-shara barysynda mas kúıde bolǵan úı ıesi men onyń týystarynyń biri arasynda janjal shyǵyp, olar ózara tóbelesken. Qalǵan týystary janjalǵa aralasyp, atalǵan eki er adamdy toqtatqan. Janjalǵa qatysýshynyń eshqaısysy polıtsııaǵa júgingen joq», - delingen baspasóz qyzmetiniń habarlamasynda.
Degenmen, Іle aýdanynyń PB qyzmetkerleri tekserý júrgizdi. Karantın rejımin buzǵany úshin úı ıesine qatysty materıal Іle sanıtarlyq-epıdemıologııalyq baqylaý basqarmasyna joldandy. Janjal shyǵarǵan er adamǵa qatysty QR ÁQBtK-niń 73-babynda qarastyrylǵan «uryp-soǵý» ákimshilik óndiris qozǵaldy. Ol taıaýda sotqa joldanady.
