Almaty oblysynda iri maraldar fototuzaqqa túsip qaldy

ALMATY OBLYSY. QazAqparat – Jońǵar Alataýy ulttyq parkinde eki maral fototuzaqqa ilikti, dep habarlaıdy QazAqparat tilshisi.

«Erekshe ádemi janýar tuıaqtylardyń ishindegi irisi bolyp tabylady-salmaǵy 300 keliden asýy múmkin. Eresek daraqtardyń múıiziniń uzyndyǵy 120 santımetr, salmaǵy 12 kelige deıin jetedi», - delingen Orman sharýashylyǵy jáne janýarlar dúnıesi komıteti taratqan habarlamada.

2021 jylǵy sanaq boıynsha «Jońǵar Alataýy» ulttyq parkindegi maraldyń sany 1700 bas bolǵan, bıyl sanaq qazan aıynda júrgiziledi.

Buǵan deıin «Altynemel» ulttyq parkinde sibir taý eshkisi fototuzaqqa túsip qalǵan bolatyn.

Sibir taý eshkisi ejelden ulttyq parktiń Sholaq, Degeres jáne Mataı taýlaryn mekendeıdi. 2021 jyly onyń sany 2800 bastan asty.

Foto: instagram.com/qazfwc