Almaty oblysynda iri kólemde urlyq jasaǵan temirjolshylar ustaldy
NUR-SULTAN. QazAqparat - Almaty oblysynda temirjol kólikterinen zattardy urlaýmen aınlysyp kelgen eki azamat ustaldy, dep habarlaıdy QazAqparat QR ІІM Kóliktegi polıtsııa departamentiniń baspasóz qyzmetine silteme jasap.
Baspasóz málimetterine qaraǵanda, quqyqbuzýshylar temirjol uıymdarynyń jumysshylary, ıaǵnı, 46 jastaǵy teplovoz júrgizýshisi men onyń kómekshisi bolyp shyqty.
Kólik polıtseıleri ustalǵandardyń Beskól stantsııasynda júk vagonynan 93 oram arnaıy kıimge arnalǵan túkti matany urlaǵandyqtaryn anyqtady.
Keltirilgen shyǵynnyń kólemi 1 939 876 tengeni quraıdy.
Júrgizilgen tergeý áreketi barysynda olardyń kinási tolyq dáleldendi.
Sondaı-aq, sotqa deıingi tergeý amaldary barysynda ustalǵandardyń ózderi basqarǵan teplovozdan dızel janarmaıyn urlaýǵa qatystylyǵy jóninde úsh fakti anyqtaldy.
Almaty oblasy Alakól aýdandyq sotynyń úkimimen atalǵan azamattar qylmys jasaǵandary úshin kináli dep tanylyp, árqaısysyna 3 jyl 6 aı bas bostandyǵynan aıyrý jazasy taǵaıyndaldy.
