Almaty oblysynda iri kólemde esirtki tárkilendi
TALDYQORǴAN. QazAqparat - Almaty oblysynda polıtseıler esirtki saýdasymen aınalysqan eki azamatty quryqtady. Olardan tárkilengen esirtki kólemi 15 kelige jetti, - dep habarlaıdy QazAqparat tilshisi.
Kúdiktiler tártip saqshylarynyń «Kendir-2018» arnaıy operatsııasy kezinde Qapshaǵaı qalasy mańynda, Іle aýdanynda ustaldy. Іle aýdany, Qaroı aýylynyń 47 jastaǵy turǵynynan 9 kg qarasora (marıhýan) tabyldy. Ol esirtkini úıinde jasyrǵan. Sondaı-aq Qapshaǵaı-Qazaqstan tas jolyndaǵy reıd barysynda 28 jastaǵy Jambyl aýdanynyń turǵyny ustaldy. Ol óziniń mototsıklimen 6 kg qarasora alyp ótpek bolǵan. Almaty oblystyq ІІD baspasóz qyzmeti eki jaǵdaı boıynsha QR QK 296 baby boıynsha sot aldy tergeý bastalǵanyn atap ótti.
Jyl basynan beri Almaty oblysynda zańsyz aınalymnan 4 tonna ár túrli esirtki zattary tárkilendi. Onyń ishinde 1 kg geroın, 8 kg gashısh bolǵan. Sondaı-aq tártip saqshylary 50-den astam esirtki saýdalaǵan azamattardyń qylmystaryn áshkerelegen.
