Almaty oblysynda iri esirtki zerthanasynan 30 keli mefedron tabyldy

QONAEV. QazAqparat - Almaty oblysynda ІІM men UQK birlesken arnaıy operatsııasy barysynda iri esirtki zerthanasy joıyldy, dep habarlaıdy Polisia.kz.

Іshki ister mınıstrligi men Ulttyq qaýipsizdik komıteti júrgizgen birlesken is-sharalar barysynda Almaty oblysynda ornalasqan jasyryn esirtki zerthanasynyń jumysy toqtatyldy.

7 qańtarda ІІM jáne UQK kúshimen aýqymdy sıntetıkalyq esirtki óndirisin jolǵa qoıǵan kúdikti ustaldy.

Anyqtalǵan esirtki zerthanasyn tintý barysynda 30 kg «mefedron» psıhotroptyq zaty jáne esirtki óndirýge arnalǵan bir tonnadan astam hımııalyq reaktıv tabylyp, tárkilendi.

Arnaıy operatsııa sátti júzege asý úshin prokýratýra organdarynyń kelisimi boıynsha jedel-izdestirý is-sharalary júrgizildi.

Qazirgi ýaqytta sıntetıkalyq esirtki óndirisine qajetti jabdyqtardy jetkizý arnasy jáne basqa da sybaılastardy anyqtaıtyn tergeý sharalary júrip jatyr.

Atalmysh fakt boıynsha Qylmystyq kodekstiń 297-babynyń 3-bóligi boıynsha sotqa deıingi tergeý bastaldy.

Foto: polisia.kz