Almaty oblysynda iri esirtki zerthanasy joıyldy
22 jeltoqsanda Eńbekshiqazaq aýdany PB-ǵa Qarashyǵyl ańshylyq sharýashylyǵynyń qoryqshylarynan Eńbekshiqazaq aýdanynyń Baltabaı aýylynyń shetinen kúdik týdyrǵan eki Ýkraına Respýblıkasynyń azamaty tekserilgeni týraly habarlama kelip tústi.
Oqıǵa ornyna kelgen polıtsııa qyzmetkerleri 43 jáne 28 jastaǵy sheteldikterdiń avtokólikterin tekserý ornynan alys emes jerde tergeý is-qımyldaryn júrgizý barysynda qara tústi paketti tapty. Al paket ishinen aq tústi untaq túrindegi zattary bar móldir polıetılen paketter tárkilendi.
Budan ári Almaty oblysy PD EQQKB qyzmetkerleri jedel is-shara barysynda yqtımal esirtki zerthanalarynyń eki mekenjaıyn anyqtady.
Sanktsııalanǵan tintý júrgizý kezinde atalǵan orynnan Ýkraına respýblıkasynyń taǵy 6 azamaty ustaldy. Sonymen qatar zerthanalyq jabdyqtar, shyny ydystar men krıstaldy zattary bar metall tabaqtar, hımııalyq zattar tárkilendi.
Tintý kezinde shamamen 30 keli «jyldamdyq» esirtki zaty tárkilendi.
Atalǵan derek boıynsha sotqa deıingi tergeýdi Eńbekshiqazaq aýdanynyń Polıtsııa basqarmasy júrgizetin bolady. Qylmystyq is QR QK-niń 297-babynyń, 3-bóligi boıynsha tirkelgen.
Kúdiktiler qamaýǵa alyndy.
Aıta ketý kerek, jaýap alý kezinde ustalǵandar osyndaı tyıym salynǵan zattardy óndirý boıynsha úshinshi zerthananyń ashylýyna daıyndalǵandaryn jetkizgen.
Foto: polisia.kz
