Almaty oblysynda iri 21 ınvestıtsııalyq joba júzege asyrylýda
Atap aıtqanda, «Úlken Almaty aınalma avtomobıl joly», «Almaty-Qapshaǵaı», «Birlik-Aqbulaq» avtomobıl joldary qurylysy jáne «Batys Eýropa-Batys Qytaı», «Almaty-Óskemen», «Uzynaǵash-Otar», «Astana-Almaty», «Almaty 1-Shý», «Almaty-Bishkek» avtomobıl joldarynyń jekelegen ýchaskeleri, sondaı-aq, «Qazybek Bek-Jetigen» temir jolynyń qurylysyn qosýǵa bolady.
Aıta ketý kerek, osy jobalardy júzege asyrý barysynda jekeniń menshigindegi jerlerdi memleket muqtajy úshin satyp alý jumystary júrgizilip jatyr. Búgin osyǵan oraı, Taldyqorǵanda Almaty oblysynyń ákimi Amandyq Batalovtyń tóraǵalyǵymen alqaly jıyn ótti. Jer ýchaskelerin memleket muqtajy úshin májbúrlep ıelikten shyǵarý jumysy týraly oblystyq jer qatynastary basqarmasynyń basshysy Jolan Omarov keńinen baıandady.
Baıandamashylardyń habarlamasyn tyńdaǵan oblys ákimi A. Batalov birqatar mańyzdy jaıttarǵa nazar aýdardy. Atap aıtqanda, sóz bolǵan máselelerdiń biri - Іle aýdanyndaǵy «Bereke» ındýstrıaldy aımaǵynyń qurylysy men ony damytý jumysy. Indýstrıaldy aımaq aýmaǵynda iri jobalardy júzege asyrýdy josparlap otyrǵan birqatar ınvestorlar bolǵanyna qaramastan, qajetti 70 asa jer ýchaskesiniń nebári 3-eýi ǵana satyp alynǵan. Osy másele boıynsha Іle aýdany ákiminiń jumysy synǵa alyndy.
«Investıtsııa tartý, turaqty jumys oryndaryn ashý, jańa kásiporyndar qurý - Memleket basshysy aldymyzǵa qoıǵan mańyzdy mindetter. «Bereke» ındýstrıaldy aımaǵyn damytý úshin jer ýchaskelerin satyp alý isi baıaý júrýiniń saldarynan bul jumys toqtap tur. Al jospar boıynsha qazirgi kezde jobalaý jumystary júrip jatýy tıis edi. Bul máseleni jyldamdatyp, qatań baqylaýda ustańdar», - dedi oblys ákimi A. Batalov.
Óńir basshysy Taldyqorǵan qalasynyń ákimine satyp alýǵa jatatyn jer ýchaskeleriniń quny jónindegi máseleni turaqty baqylaýǵa alýdy, baǵalaý qunyn ósirý faktilerine jol bermeýdi tapsyrdy. Sondaı aq, Almatydan shyǵaberis pen qalaǵa kirer joldaǵy kólik keptelisi qıyndyǵyn boldyrmaý máselesin nazardan tys qaldyrmaýdy eskertti. Osy maqsatta 6 radıaldy joldy tóseý josparlanǵan. Bólingen alapqa Іle, Qarasaı aýdandarynyń alańy 40,2 ga bolatyn 43 jer ýchaskesi engen.
