Almaty oblysynda ınvestorlardy qoldaý óńirlik front-ofısi ashyldy
Bul ınvestorlar úshin elimizde arnaıy front-ofıster qurý jónindegi Úkimettiń tapsyrmasy sheńberinde quryldy. Atalǵan ortalyq Almaty qalasynda «Jeltoqsan kóshesi, 112» mekenjaıy boıynsha ornalasqan.
«Bir tereze» qaǵıdaty boıynsha uıymdastyrylǵan front-ofıs jumysy ınvestorlar úshin memlekettik qyzmetterdi qolaıly alýdy ǵana emes, sondaı-aq, barlyq rásimderdiń qoljetimdiligi men ashyqtyǵyn kózdeıdi, memlekettik organdarmen tıimdi is-áreket etýge yqpal etedi», - dep atap ótti «KAZAKH INVEST» UK» AQ basqarma tóraǵasynyń orynbasary Birjan Qaneshev.
Front ofıste jergilikti atqarýshy organdardyń, HQO, «Atameken» RKP, «Damý» KDQ, áleýmettik-kásipkerlik korporatsııalardyń (ÁKK), mıgratsııalyq, keden jáne salyq organdarynyń mamandary, sondaı-aq, monopolıstter, notarıýstar men aýdarmashylar ókildik etetin bolady.
Investorlar men kásipkerlerge munda toǵyz baǵyttar boıynsha qyzmet kórsetiledi, onyń ishinde: memlekettik qyzmetter kórsetý, jobalardy súıemeldeý, marketıngtik jáne býhgalterlik qyzmetter, memlekettik satyp alýlar boıynsha keńester berý, ST KZ sertıfıkattaý, qarjy mekemeleri men damý ınstıtýttarynyń kómegi, bıznestiń quqyǵy men zańdy múddelerin qorǵaý, sondaı-aq, mıgratsııa, keden jáne salyq máselelerin sheshýge qoldaý kórsetý kiredi.
Búgingi kúni Almaty oblysy boıynsha «KAZAKH INVEST» UK» AQ monıtorıngtik júıesinde sheteldik ınvestorlardyń qatysýymen jalpy somasy $3,8 mlrd quraıtyn 34 joba bar. Onyń ishinde 12 joba boıynsha qurylys-montaj jumystary júrgizilýde, 12 joba boıynsha jobalyq qujattamany ázirleý júrgizilýde, 10 joba óńirde iske asyrý úshin pysyqtalý kezeńinde. Jalpy, jyldyń sońyna deıin 1200 jumys ornyn qamtıtyn 10 jobanyń iske asyrylýy josparlanǵan.
«KAZAKH INVEST» Ulttyq kompanııasy» AQ Qazaqstan Respýblıkasy Syrtqy ister mınıstrliginiń vedomstvolyq baǵynyshty uıymy bolyp tabylady. «KAZAKH INVEST» eldiń Úkimeti atynan «biryńǵaı kelissóz júrgizýshi» rólinde qatysa otyryp, Qazaqstan Respýblıkasynda ınvestıtsııalyq qyzmetti iske asyrý úshin qajetti tirkeýdi, túrli ruqsattar men kelisimderdi alýdy qosa alǵanda, ınvestıtsııalyq jobalardy súıemeldeý jóninde tolyq qyzmetter jıyntyǵyn qamtamasyz etedi.
