Almaty oblysynda ınvestorlar Abaı Qunanbaevqa eskertkish ornatty
JARKENT. QazAqparat - Almaty oblysynda ınvestorlar Abaı Qunanbaevqa eskertkish ornatty. Músinniń ashylý saltanaty Panfılov aýdany, Kóktal aýylyndaǵy Abaı atyndaǵy orta mektepte ótti, dep habarlaıdy QazAqparat tilshisi.
Eskertkish "Qorǵas" Shekara mańy yntymaqtastyǵy halyqaralyq ortalyǵynyń prezıdenti Kaharman Djazınniń bastamasymen jáne ınvestorlardyń kómegimen boı kótergen.
"Bul 2020 jyly atap ótiletin Abaı Qunanbaevtyń 175 jyldyǵy qarsańyndaǵy tartý",-deıdi ShYHO-nyń bas ınjeneri Baqytjan Tastanbekov.
Bıiktigi 4 metr bolatyn eskertkishti aýdan ákimi Temirlan Bektasov saltanatty túrde ashyp, sońǵy qońyraý qarsańynda mektep bitirýshi túlekterge qazaqtyń uly aqyny Abaıdy oqýǵa shaqyrdy. 
