Almaty oblysynda II halyqaralyq «Four E» ekoetnofestıvali ótip jatyr

Atalmysh sharanyń kreatıvti dırektory Alena Lobastovanyń aıtýynsha, etnofestıvaldiń maqsaty -ár adamdy salaýatty ómir saltyn ustanýǵa shaqyrý, qoǵamda salaýaty ekologııalyq qarym-qatynasty qalyptastyrý bolyp tabylady.

"Festıval taıbıǵatty saqtaý men aıalaýǵa beı-jaı qaramaıtyn jandarǵa, salaýatty ómir saltyn ustanatyn adamdarǵa arnalǵan. Festıvaldiń aýmaǵy 4 aımaqqa bólingen. Etnoaımaqta qazaqstandyq jáne sheteldik kásibı mýzykanttardyń kontsertteri, áýesqoı mýzykanttarǵa arnalǵan sheberlik synyptar ótkizilip jatsa, balalarǵa arnalǵan aımaqta Almaty qalasynyń balalar ortalyǵynyń bilikti mamandary sýret salý, toqyma óneri, qumǵa sýret salýdyń qyr-syryn balalarǵa úıretýde. Munda sonymen qatar, balalarǵa arnalǵan ár túrli baıqaýlar, qoıylymdar uıymdastyrylatyn bolady. Ata -analar bul jerge balalaryn qoryqpaı tastap, ózderi ásem áýendi tyńdap, úshinshi aımaqta ıogamen aınalysyp, psıhologııalyq jáne shyǵarmashylyq aımaqtaǵy qol óner jumystaryn jasap úırenetin semınarlarǵa qatysa alady. Bul tórtinshi - jasyl aımaqta kelýshiler batık, grafıka, kıiz, keramıka jáne taǵy basqa óner túrlerinen sheberlik synyptarǵa qatysyp qana qoımaı, óz elimizben qatar, Úndistan, Nepal, Qyrǵyzstan, Ózbekstan qol óner sheberleriniń týyndylary qoıylǵan jármeńkeni tamashalaı alady",-dedi Alena Lobastova. Onyń aıtýynsha, festıval aýmaǵynda birde bir alkogoldi ishimdik sýsyndary, temeki túrleri satylmaıdy.

Etnofestıval tamyzdyń 7-ne deıin jalǵasatyn bolady.