Almaty oblysynda halyqtyń 65 paıyzy vaktsına alǵan

NUR-SULTAN. QazAqparat – Almaty oblysynda vaktsına alýy tıis halyqtyń 65 paıyzy ekpe jasatqan, dep habarlaıdy QazAqparat tilshisi.

Almaty oblysy ákiminiń orynbasary Batyrjan Baıjumanov ortalyq kommýnıkatsııalar qyzetinde ótip jatqan brıfıngide osyndaı málimet aıtty.

«Halyqty vaktsınatsııalaý jumysy algorıtm boıynsha belsendi júrgizilip jatyr. Óńirde 244 ekpe pýnkti ashylǵan. 71 mobıldik top turǵyndardy úıine baryp ekpe jasap júr. Taǵy 17 kóshpeli medıtsınalyq keshen bar. Olar aýlalardy aralap júr», - degen ákimniń orynbasary óńirdi qajetti vaktsınamen qamtamasyzz etý qalaı uıymdastyrylyp jatqanyn aıtty.

«Birinshi komponenttiń 773 myń vaktsınasy alyndy. Onyń 713 myń dozasy egildi. Ekinshi komponenttiń 716 myń dozasy alynǵan. Onyń 593 myńy egildi. Búginde jospardaǵy ekpe alý kerek adamnyń 65 paıyzy qamtyldy. Balqash jáne Aqsý aýdandarynda ekpe naýqany aıaqtaldy. Bizde úsh aýdan kesteden qalyp keledi. Onda da jumys jalǵasatyn bolady. Bul baǵytta jumysty jalǵastyramyz», - dedi Batyrjan Baıjumanov.