Almaty oblysynda habar-osharsyz ketken múgedek 2 aptadan soń tabyldy
TALDYQORǴAN. QazAqparat - Almaty oblysynda habar-osharsyz ketken múmkindigi shekteýli jan tabyldy, dep habarlaıdy QazAqparat tilshisi.
«Habar-osharsyz ketken er adamnyń belgileri óńirdiń barlyq polıtsııa bólimshelerine jiberilip, áleýmettik jelilerde jáne buqaralyq aqparat quraldaryna taratyldy. Sońǵy onkúndikte onyń týystarymen birge tynymsyz izdedik. Osy sharalardyń nátıjesinde ony Almaty qalasyndaǵy «Kók bazar» mańynan tabýdyń sáti tústi. Oǵan eshqandaı zalal kelmegen», - dep málimdedi Almaty oblystyq ІІD baspasóz qyzmeti.
Buryn polıtsııa Talǵar aýdanynyń Tuzdybastaý kentinde turatyn 48 jastaǵy Qanat Maıkótovti izdep jatqany týraly habar taraǵan bolatyn.
Ol ekinshi top múgedegi, únemi týystarynyń qaraýynda júredi. Onyń iz-túzsiz ketkeni týraly týystary Talǵar aýdanynyń polıtseılerine 30 mamyr kúni habarlaǵan.
Týystarynyń aıtýynsha, ol 26 mamyr kúni túnde úıden shyǵyp ketip, qaıtyp oralmaǵan.
Vedomstvodaǵylardyń habaryna qaraǵanda, óńir polıtsııasy bıyldyń ózinde habar-osharsyz ketken 120 adamdy tapqan.
