Almaty oblysynda granata satýmen aınalysqan qylmystyq top músheleri sottaldy
TALDYQORǴAN. QazAqparat - Almaty oblysynda qarý-jaraq ótkizgen úsh adam sottaldy, dep habarlaıdy QazAqparat Ulttyq qaýipsizdik komıtetiniń baspasóz qyzmetine silteme jasap.
Bıylǵy 6 tamyzda Almaty oblysy Kerbulaq aýdanynyń soty RGD-5 jaýyngerlik granatalaryn jáne onyń tutatqyshyn ótkizýmen aınalysqan bir top adamǵa qatysty úkim shyǵardy.
«Top músheleri QR QK 287-baby 4-bóligi, 361-baby 1-bóliginde kózdelgen qylmystardy jasaǵany úshin kináli dep tanylyp, 3 jyldan 3,5 jylǵa deıin bas bostandyǵynan aıyryldy. Olar jazasyn QAJ qaýipsizdigi ortasha mekemesinde óteıdi» delingen habarlamada.
Bıylǵy mamyrda UQK Almaty oblysy boıynsha departamenti jarylǵysh qurylǵylardy zańsyz satýǵa qatysy bar kórsetilgen toptyń quqyqqa qaıshy áreketiniń jolyn kesken bolatyn.
