Almaty oblysynda gaz jarylysynan 4 adam zardap shekti
TALDYQORǴAN. QazAqparat - Almaty oblysynda jeke turǵyn úıdiń birinde gaz aýaǵa taraldy. Qoparylystan 4 adam túrli dárejede kúıik shalǵan, dep habarlaıdy QazAqparat tilshisi.
Oblystyq TJD baspasóz qyzmetiniń málimetinshe, 4 adamdy 1-4 dárejede kúıik shalǵan. Zardap shekkender Almatydaǵy aýrýhanaǵa jetkizilgen.
«2018 jyldyń 25 aqpanynda jergilikti ýaqyt boıynsha 17:51 mınýtta Qarasaı aýdany, Jandosov aýylyndaǵy T.Bokın kóshesi № 21 V jeke turǵyn úıdiń (27 lıtr gaz ballony) jertólesinde gaz qospasy aýaǵa taralyp, qoparyldy. Oqıǵa ornyna Almaty oblysy Tótenshe jaǵdaılar departamenti «ÓSjáneAQJQ» memlekettik mekemesiniń 4 qyzmetkeri jáne 1 tehnıkasy bardy», dep málim etti oblystyq TJD baspasóz qyzmetiniń ókili Azamat Jurtbaev.
Sondaı-aq, qutqarýshylar jeke jáne kópqabatty turǵyn úılerde gaz ballonyn paıdalanýda asa saq bolýdy eskertti.
«Aqaýy bar, búlingen, synaqtan ótkizý jáne paıdalaný merzimderi ótip ketken gaz ballondaryn paıdalaný óte qaýipti. Sondyqtan barynsha abaı bolyp, gaz ballondardy paıdalaný erejelerin qatań ustanýdy eskertemiz», - dedi A.Jurtbaev.
