Almaty oblysynda gaz quıý tsısternasy jarylyp, bir adam aýyr jaraqat aldy
TALDYQORǴAN.QazAqparat - Almaty oblysyndaǵy janarmaı stansasy aýmaǵanda djıp gaz quıylǵan tsısternaǵa soǵyldy. Tsısterna jarylysyp, kóliktiń júrgizýshisiniń denesin 90 paıyz kúıik shaldy, dep habarlaıdy QazAqparat tilshisi.
«6 tamyz kúni saǵat 10:15-te Eńbekshiqazaq aýdanynyń Esik qalasynda «Álem Oıl« gaz quıatyn avtostansa aýmaǵynda « Toyota Land Cruiser Prado « markaly mashına gaz quıylǵan tsısternaǵa (4 tekshe metr) soǵylǵan. Tsısterna jarylyp, sol jerdegi 2 avtomashına - «Hýndaı Týkson« jáne «Lend Krýzer Prado« órtendi. Sondaı-aq 700 sharshy metr aýmaqtaǵy qýraǵan shóp janyp ketti. Almaty oblysynyń TJD kúshteri órttti saǵat 10.52-de sóndirdi», - delingen oblystyq TJD baspasóz qyzmeti taratqan habarlamada.
Vedomstvonyń málimetinshe, « Toyota Land Cruiser Prado-nyń» 72 jastaǵy júrgizýshisi 1 dárejeli kúıikpen aýrýhanaǵa tústi. Onyń denesiniń 90 paıyzyn kúıik shalǵan. Jaǵdaıy aýyr.
«Taǵy bir zardap shegýshi 30 jasta. Ol maı quıý stansasynyń operatory. Onyń keýdesine zaqym kelgen. Alǵashqy medıtsınalyq kómek kórsetilgennen keıin zardap shegýshi úıine jiberildi. Jaqyn mańdaǵy ornalasqan kóp qabatty jáne jeke úıler zardap shekken joq», - dep tolyqtyrdy vedomstvo ókilderi.
