Almaty oblysynda etnosaralyq qatynastardy tıimdi qamtamasyz etý máselesi talqylandy
Ondaǵy maqsat ákimdikterdiń etnosaralyq qatynastardy retteý salasyndaǵy naqty jumysymen tanysý, ári ádistemelik kómek kórsetý, dep habarlaıdy QazAqparat QR Aqparat jáne qoǵamdyq damý mınıstrliginiń resmı saıtyna silteme jasap.
Monıtorıng toby Panfılov, Uıǵyr, Eńbekshiqazaq, Talǵar jáne Qarasaı aýdandaryndaǵy ákimdikterdiń etnosaralyq qatynastardy damytý salasynda júrgizip jatqan jumystarymen tanysty. Jergilikti etnomádenı birlestikterdiń basshylarymen kezdesýler ótkizilip, onda Qazaqstan halqy Assambleıasy jumysynyń tıimdiligin arttyrý, onyń qyzmetin ýaqyt talaptaryna sáıkes jańǵyrtý máseleleri talqylandy.
Jergilikti ýákiletti memlekettik organdar Memleket basshysynyń etnosaralyq qatynastar salasyndaǵy jumys júıesin jańǵyrtý jónindegi tapsyrmalarynyń oryndalýy týraly aıtyp berdi.
Sapar barysynda jergilikti memlekettik organdardyń etnosaralyq saladaǵy ózekti mindetteri talqylanyp, mınıstrlik ázirlegen ádistemelik usynystar men jumysty uıymdastyrýdyń jańa tásilderi túsindirildi.
Budan basqa, etnosaralyq kelisimdi qamtamasyz etý, sondaı-aq etnosaralyq shıelenis pen qaqtyǵystyń aldyn alý boıynsha taldamalyq, ádistemelik, aqparattyq, aqparattyq-túsindirý qyzmeti máseleleri boıynsha ortalyq jáne óńirlik deńgeılerde birlesken jumysty úılestirý jáne ózara is-qımyl algorıtmderi kelisildi.
Sapar sońynda Qaskeleń qalasy, Qarasaı, Jambyl, Talǵar, Eńbekshiqazaq, Іle jáne Balqash aýdandary ákimdikteriniń qyzmetkerlerine qorytyndy semınar uıymdastyryldy. Semınarda etnosaralyq qatynastar salasyndaǵy memlekettik saıasatty iske asyrýdyń negizgi baǵdarlary belgilendi, ákimdikterdiń etnosaralyq qatynastardy retteý salasyndaǵy qyzmetin odan ári jetildirý boıynsha naqty usynystar berildi.
