Almaty oblysynda esirtki tasymaldaýshy arnaıy operatsııa barysynda ustaldy

TALDYQORǴAN. QazAqparat - Almaty-Bishkek tas jolynyń 97 shaqyrymynda arnaıy operatsııa júrgizgen polıtsııa qyzmetkerleri esirtki tasymaldaǵan kúdiktini qolǵa túsirdi, dep habarlaıdy QazAqparat tilshisi.

Almaty oblystyq Polıtsııa departamentiniń esirtkige qarsy basqarmasynyń mamandary patrýldik polıtsııa qyzmetkerlerimen birlesip, jolda toqtatqan kólikten 4 kg 627 gr marıhýana jáne 5,52 gashısh tárkilendi.

«43 jastaǵy Jambyl oblysynyń turǵyny ustaldy. Kúdikti kólikte jolaýshy bolǵan. Er adam buǵan deıin esirtki saqtaǵany úshin qylmystyq jaýapkershilikke tartylǵan. Qazir atalǵan fakti boıynsha QR QK-niń 296-baby 4-tarmaǵy ıaǵnı, esirtkini zańsyz saqtaý jáne asa iri kólemde ony tasymaldaǵany úshin sot-aldy tergeý júrip jatyr», - dep málimdedi Almaty oblystyq PD baspasóz qyzmetinen.

Kúdikti Jambyl aýdandyq ýaqytsha ustaý ızolıatoryna qamaldy.