Almaty oblysynda esirtki satýshylar ustaldy
Polıtsııa qyzmetkerleri buǵan deıin de esirtki satqany jáne saqtaǵany úshin qylmystyq jaýapkershilikke tartylǵan qylmystyq toptyń úsh múshesin ustady. Esirtki satýshylardy ustaý boıynsha arnaıy is-sharalar shilde aıynyń sońynda Tekeli jáne Taldyqorǵan qalalarynda júrgizildi.
«Qylmystyq toptyń ıaǵnı basshylaryn jáne onyń qamqorlyǵyndaǵy adamdardy, sondaı-aq esirtkini ótkizý oryndaryn anyqtaý eki aıǵa jýyq júrgizildi. Nátıjesinde óńirge esirtkini jetkizýdiń barlyq tizbegin anyqtap, qazir qamaýda otyrǵan úsh kúdiktini ustady. Barlyq úsh esirtki satýshylar gashısh pen marıhýanany satý kezinde ustaldy. Qylmystyq toptan alynǵan esirtkiniń jalpy salmaǵy 10 kılogramnan astam», - dep málimdedi Almaty oblysy PD baspasóz qyzmetinen.
Polıtsııada jyl basynan beri 50-den astam esirtki satýshylar qolǵa túsip, jaýapkershilikke tartyldy. Zańsyz aınalymnan alynǵan esirtkiniń jalpy salmaǵy 360 kg-nan asty, onyń ishinde geroın, gashısh jáne marıhýana bar.
«Tek tórt kún ishinde aımaqta 9,5 kılogramm túrli esirtki tárkilendi. Esirtki satqan kúdiktiler Sarqan qalasynda, Іle jáne Qarasaı aýdandarynda ustaldy. Ustalǵandardyń biri sonymen qatar, quramynda esirtki bar ósimdikterdi ósirýmen aınalysady», - dep atap ótti baspasóz qyzmeti.