Almaty oblysynda esirtki satqan áskerı qyzmetshi 5 jylǵa sottaldy
ASTANA. QazAqparat - Taldyqorǵanda esirtki satyp alý, saqtaý jáne satý qylmystaryn jasaǵany úshin áskerı qyzmetshi 5 jylǵa bas bostandyǵynan aıyryldy, dep habarlaıdy «QazAqparat» HAA QR Áskerı sotynyń baspasóz qyzmetine silteme jasap.
Taldyqorǵan garnızonynyń áskerı soty QR Qylmystyq kodeksiniń 297-baby, 1-bóliginde («Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý») belgilengen qylmysty jasady dep aıyptalǵan №2534 áskerı bólimsheniń áskerı qyzmetshisine qatysty qylmystyq isti qarady.
Іs materıaldary boıynsha, 2017 jyldyń shilde aıynda Almaty oblysynda er adam ótkizý maqsatynda óziniń tanysynan qurǵaq marıhýanany alyp, saqtaǵan. Keıin ol esirtkini gazet paraqtaryna orap, belgisiz adamǵa 3 myń teńgege ótkizgen.
Sottyń úkimimen áskerı qyzmetshi aıypty dep tanylyp, 5 jylǵa bas bostandyǵynan aıyrý, qylmystyq jolmen alǵan nemese qylmystyq jolmen tabylǵan aqshaǵa alǵan múlkin tárkileý jazasyna kesildi. Ol qylmystyq-atqarý júıesiniń ortasha qaýipsizdik mekemelerinde jazasyn óteıtin bolady.
Úkim zańdy kúshine engen joq.
