Almaty oblysynda esirtki plantatsııalary joıyldy

TALDYQORǴAN.QazAqparat - Almaty oblysynda Esirtki bıznesine qarsy kúres basqarmasynyń qyzmetkerleri bir táýliktiń ishinde esirtki ósimdikterin ósirýdiń eki faktisin anyqtady, dep habarlaıdy QazAqparat tilshisi.

Almaty oblystyq Polıtsııa departamenti baspasóz qyzmetiniń málimetinshe, atalǵan faktiler QR QK 300-baby 1-bóligi boıynsha sotqa deıingi tergeýdiń biryńǵaı reestrine tirkeldi.

Enbekshiqazaq aýdanynyń 26 jastaǵy turǵynynan tártip saqshylary qara sora ósimdigin tárkiledi. Jalpy salmaǵy - 51 keli.

Ekinshi jaǵdaıda, zańsyz ósimdik «baǵy» Іle aýdanynyń 54 jastaǵy turǵynynyń úıiniń aýlasynan tabyldy. Polıtseıler 54 túp marıhýana ósimdigin tárkiledi.

Eki kúdikti qazirgi ýaqytta ýaqytsha ustaý oqshaýlaǵyshyna qamaldy. Tergeý júrgizilýde.