Almaty oblysynda Esik kóli men Asy–Túrgen observatorııasyna aparatyn jol jabyldy
«Qazgıdromet» RMK sınoptıkteriniń boljamy boıynsha, Almaty qalasynyń taýly aýdandarynda nóser jańbyr, burshaq jaýyp, naızaǵaı oınaıdy dep kútilýde. Naızaǵaı kezinde batystan soqqan jeldiń ekpini 18-23 m/s bolady.
«Qatty jaýyn-shashynnyń túsýine baılanysty aǵymdaǵy jaǵdaıdy eskere otyryp, taýly jerlerde selderdiń paıda bolý qaýpi bar. 28-31 shilde kúnderi Almarasan, Kimasar, Býtakovka, Aqqaıyń, Aqsaı, Qaskeleń, Túrgen, Esik, Maralsaı, Qotyrbulaq, Almaty qalasy men Almaty oblysynyń taý bókterindegi avtomobıl jolymen qaýipti aımaqtarǵa jaıaý jáne avtokólikter úshin jol júrý shekteledi», - dep habaralady «Іle Alataýy» memlekettik ulttyq tabıǵı parkinen.
Qutqarýshylar turǵyndarǵa taýǵa shyqpaýǵa keńes berdi.
«Seldiń paıda bolý qaýpine baılanysty Іle Alataýy taýlaryna barmaýyńyzdy ótinemiz»,- delingen habarlamada.