Almaty oblysynda ereje saqtamaıtyn jaıaý júrginshilerge aıyppul salynýda
TALDYQORǴAN. QazAqparat - Almaty oblysynyń tártip saqshylary jol júrý erejesin saqtamaǵan jaıaý júrginshilerdi anyqtaý boıynsha reıdter ótkizdi. Onyń nátıjesinde júzden astam adamnyń joldy belgilenbegen jerden kesip ótkeni anyqtalyp, olarǵa aıyppuldar salyndy, dep habarlaıdy QazAqparat tilshisi.
Reıdter «Qaýipsiz jol» jedel-aldyn alý sharasy aıasynda uıymdastyryldy.
«Jolaýshylardyń qaýipsizdigin qamtamasyz etý, jol qozǵalysy erejeleriniń qatań saqtalýyn qadaǵalaý maqsatynda ótkizilip otyrǵan respýblıkalyq is-shara barysynda jol qaýipsizdigine basa nazar aýdarylýda. Іs-sharanyń alǵashqy kúni qaýipsizdik beldigin taqpaǵan 101 júrgizýshi jáne jaıaý júrginshige jol bermegen 34 kólik ıesi anyqtaldy», - dep habarlady oblystyq Polıtsııa departamentiniń baspasóz qyzmetinen.
Sonymen qatar, jol júrý erejelerin óreskel buzǵan 15 temir tulpar arnaıy avtoturaqqa toǵytyldy.
Aıta keteıik, shilde aıynda oblys aýmaǵynda 95 jol-kólik oqıǵasy tirkelgen. Jol apattarynan 43 adam qaza bolyp, 140 adam ártúrli dene jaraqatyn alǵan.
«Jol qaýipsizdigin qamtamasyz etý, jol-kólik oqıǵalarynyń aldyn alý maqsatynda polıtseıler jaıaý júrginshiler men júrgizýshiler arasynda túsindirý jumystaryn júrgizdi. 1200-den astam býklet pen jadynamalar taratty», - dep atap ótti polıtseıler.
