Almaty oblysynda er azamat eki balasymen birge órtenip ketti
TALDYQORǴAN.QazAqparat - Almaty oblysynda er azamat eki balasymen birge órtenip, mert boldy. Jaǵa ustatarlyq oqıǵa Іle aýdanyndaǵy Ótegen batyr aýylynda bolǵan, dep habarlaıdy QazAqparat tilshisi.
Atalǵan qaıǵyly jaǵdaıdy oblystyq ІІD baspasóz qyzmetindegiler rastady. Oqıǵa búgin tańǵy saǵat tórt shamasynda bolǵan. Aldyn ala boljam boıynsha, áıelimen ajyrasyp ketken kúıeýi burynǵy otbasyna kelip, ústine benzın quıyp, ózin órtep jibergen.
Sol sátte bólme órtke oranyp eki balasy da qyzyl jalynnyń ortasynda qalǵan. 2005 jylǵy ul bala oqıǵa ornynda tilge kelmesten kóz jumǵan. Al 1999 jylǵy qyz bala aýrýhana jetkizilip, kóp uzamaı ol da mert boldy.
1973 jylǵy azamattyń mundaı qadamǵa ne ıtermelegeni belgisiz. Onyń 1971 jylǵy burynǵy áıeli din aman. Qazir QR QK 99 baby 2-shi tarmaǵy boıynsha is qozǵalyp, tergeý jalǵasýda.
