Almaty oblysynda er adamdy óz úıinde pyshaqtap ketti
ALMATY OBLYSY. QazAqparat - Almaty oblysynyń polıtsııasy Aşysaı aýylyndaǵy adam ólimi boıynsha tergeýdi bastady, dep habarlaıdy Polisia.kz.
Kisi ólimi 15 tamyz senbige qaraǵan túni boldy. Er adamdy óz úıinde belgisiz bireý pyshaqtap ketken.
Jaraqat alǵan azamat Shelek aýylynyń aýrýhanasyna jetkizildi, biraq ony qutqarý múmkin bolmady. Azamat alǵan jaraqatynan kóz jumdy.
Atalǵan fakti boıynsha QR Qylmystyq kodeksiniń 99-babynyń 1-bóligi (Adam óltirý) boıynsha sotqa deıingi tergeý bastaldy. Kúdiktilerdi ustaýǵa baǵyttalǵan jedel-tergeý sharalary júrgizilýde. Jaǵdaı jergilikti atqarýshy jáne quqyq qorǵaý organdarynyń baqylaýynda.
Almaty oblysynyń polıtsııa departamenti memlekettik organdardyń resmı málimetterine ǵana sený kerektigin, sondaı-aq jalǵan aqparat taratqany úshin qylmystyq jaýapkershilik baryn eskertedi.