Almaty oblysynda er adam joǵalyp ketti
TALDYQORǴAN. QazAqparat - Almaty oblysynyń polıtseıleri iz-tússiz joǵalyp ketken Talǵar aýdanynyń 24 jastaǵy turǵynyn izdestirip jatyr, dep habarlaıdy QazAqparat tilshisi.
Oblystyń ІІD-niń baspasóz qyzmeti málim etkendeı, Talǵar aýdanynyń Erkin aýylynda turǵan 1994 jylǵy Qaǵazbek Nurqanat esimdi azamat 5-shi shilde kúni óz avtokóligimen belgisiz baǵytta jol júrip ketken.
«Er adamnyń qaıda júrgeni áli anyqtalǵan joq. Belgileri: boıy 160-165 sm, ortasha deneli, shashy - qysqa, qara tústi. Ústinde sur tústi fýtbolka, qara tústi djınsy shalbar bolǵan. Erekshe belgileri: denesinde baýyryna jasalǵan otadan keıin qalǵan tyrtyq bar», - dedi vedomstvoda.
Polıtsııa joǵalǵan azamat týraly qandaı da aqparat biletinder bolsa, Talǵar aýdanynyń Іshki ister basqarmasyna 8 (727) 295-61-05, 295-63-96 nómirleri boıynsha dereý habarlasýlaryn suraıdy.
