Almaty oblysynda er adam tanysyn 20 jerinen pyshaqtady
TALDYQORǴAN. QazAqparat - Almaty oblysynda tanysyn 20 jerinen pyshaqtap óltirgen er adam ustaldy, dep habarlaıdy QazAqparat tilshisi.
Qylmys mamyrdyń 11-inen 12-sine qaraǵan túni Talǵar aýdanyna qarasty Panfılov aýylynda boldy.
Tekserý barysynda kúdikti óz tanysyn jergilikti bazarda kezdestirip, jıhaz tsehynyna birge ishimdik ishýge alyp kelgeni belgili boldy. Ózara sózge kelispeı qalǵan janjaldyń sońy kisi ólimimen aıaqtalǵan.
38 jasar azamattyń buzaqylyq jáne qaraqshylyq faktileri boıynsha buryn isti bolǵany anyqtaldy. Al qaza bolǵan er adamnyń kim ekendigi áli anyqtalyp jatyr..
Sot-medıtsınalyq saraptama mamandary marqumnyń denesine 20 ret pyshaq suǵylǵanyn anyqtady.
Almaty oblystyq polıtsııa departamenti baspasóz qyzmetiniń málimetinshe qazirgi tańda tergeý amaldary jalǵasyp jatyr. Aıǵaq zat retinde as úı pyshaǵy qylmystyq iske tirkelgen.
