Almaty oblysynda er adam poıyzdyń júrýine kedergi keltirip, oǵan tas laqtyrǵan

ASTANA. QazAqparat – Almaty oblysynda temirjolda belgilenbegen jerden ótip, poıyzǵa tas laqtyrǵan adam ustaldy, dep habarlaıdy QazAqparat Polisia.kz saıtyna silteme jasap.

13 mamyr kúni Almaty-1 stantsııasyndaǵy jelilik polıtsııa basqarmasyna júk poıyzynyń mashınısi temirjolda adamnyń bolýyna baılanysty shuǵyl tejegishti qosyp, qaýipti jaǵdaıǵa tap bolǵany týraly habarlama kelip tústi. Poıyz 7 mınýtqa tejelgen.

Sonymen qatar quqyqbuzýshy Shamalǵan stantsııasynyń ótkelinen ótip bara jatyp júk poıyzyna tas laqtyryp, keıin qashyp ketken. Buǵan kináli retinde Almaty oblysynyń 34 jastaǵy turǵynyn anyqtaldy.

Oǵan qatysty QR ÁQBtK-niń 559-baby 5-bóligi men 434-baby 1-bóligi boıynsha eki ákimshilik hattama toltyryldy. Usaq buzaqylyq boıynsha is sheshim qabyldaý úshin Almaty oblysy Qarasaı aýdandyq sotyna joldandy.