Almaty oblysynda er adam men tórt balasy belgisiz zattan ýlanyp qaza boldy
Almaty oblystyq TJD oqıǵanyń 4 mamyrda saǵat 16:04-te bolǵanyn málim etti.
«Almaty oblystyq TJD kezekshi bólimine Qarasaı aýdany Eltaı aýyldyq okrýgi Kólaşy aýylynda jeke úıde alty adamnyń (2 eresek pen 4 bala) belgisiz zattan ýlanǵany týraly habar túsken.
1984 jylǵy er adam (ákesi) jáne tórt balasy (2010 jylǵy qyz jáne 2008, 2013, 2018 jylǵy uldar) qaza tapty. 1985 jylǵy áıel (anasy) Shamalǵan aýylyndaǵy Qarasaı kópbeıindi aýdanaralyq aýrýhanasyna jatqyzyldy. Qazirgi ýaqytta onyń jaǵdaıy turaqty, onymen psıhologter jumys istep jatyr», - dedi óńirlik TJD baspasóz qyzmetinen.
Aldyn ala sebebi – belgisiz zatpen ýlaný. Oqıǵanyń mán-jaıyn anyqtaý úshin TJ qyzmetkerleri, gaz qyzmeti men SES jiberildi. Jınalǵan materıal Qarasaı aýdandyq PB berildi.