Almaty oblysynda er adam basseınge batyp, mert boldy
TALDYQORǴAN. QazAqparat - Almaty oblysynda er adam basseınge batyp, mert boldy,dep habarlaıdy QazAqparat tilshisi.
Qaıǵyly jaǵdaı jeke menshik demalys oryndardyń birinde bolǵan.
«7 shilde kúni saǵat 18:30-da Almaty oblysy Eskeldi aýdanyndaǵy «Taý Jetisý« demalys aımaǵyndaǵy basseınde shamamen 27-30 jas aralyǵyndaǵy er adam sýǵa batyp ketti.
Denesi basseınniń túbinen, 1.8 metr tereńdikten tabyldy. Múrdeni demalys aımaǵynyń jumysshylary sýdan shyǵardy»,- delingen Almaty oblysy TJD baspasóz qyzmeti taratqan habarlamada.
Vedomostvo ókilderi azamattardan sýdaǵy qaýipsizdik erejelerin saqtaýdy suraıdy.
